Облыс орталығына құны әрқайсысы 570 миллион теңге тұратын томография қондырғысы жеткізілді.Бұл аппараттар айдың соңында пайдаға жарайтын болады,-деп хабарлайды «Aqmola Nеws».
Майра ҚУАНЫШҚЫЗЫ
Бұл туралы өңірдің бас дәрігері Сүлен Ілиясов мәлімдеді.
Қондырғыларды жергілікті бюджет есебінен алдық. Бірі – облыстық көпбейінді ауруханаға орнатылса, екіншісі жаңа салынған онкологиялық емханаға беріледі. Бүгінде қондырғыларды орнату жұмыстары жүргізілуде,-дейді Сүлен Илясов.
Мұндай МРТ аппараты тек жекеменшік клиникаларда ақылы түрде қызмет көрсететін. Көкшетау ауруханаларына әкелінген соңғы үлгідегі аппараттар енді халық игілігі үшін пайдаланылмақ.
Бас дәрігер алдағы уақытта мемлекеттік-жекеменшік әріптестік аясында нөмірі бірінші қалалық емханаға тағы бір магниттік-резонанстық томография қондырғысы әкелінетіндігін жеткізді.
Індеттің екінші толқынының алдын алу үшін 166 миллион теңгеге дәрі-дәрмек сатып алынды. Ол қазір арнайы қоймада сақтаулы тұр. Осылайша, өңірде дәрінің 4 айлық қоры бар.
