Жақсы ауданында «Стимул» шаруа қожалығы базасында сүт өнімдерін өңдеуге арналған шағын цех жұмыс істей бастады, – деп хабарлайды «Aqmola News».
Майра ҚУАНЫШҚЫЗЫ
Бұл туралы Жақсы ауданы әкімдігі мәлім етті.
Осыған дейін мал шаруашылығын өркендетіп, ірі қара мал мен қоса жылқы малын өсірген шаруа қожалығы енді өнімін өңдеуді де жолға қойған.
Шаруашылық басшылығы өздері өндіріп отырған өнімді өңдеуді жөн көрген. Сөйтіп жаңа сауылған сүтті өңдейтін шағын цех ашылды. Қазір мұнда қазіргі күрделі кезеңде аса қажет болып отырған саумал қымыз, қаймақ және сары май сияқты ұлттық өнімдер өндіріле бастады. Сондай-ақ, қосымша тағы 5 жаңа жұмыс орны құрылғанын атап өткен жөн, – дейді аудан әкімі Бауыржан Малғаждаров.
Шаруа қожалығы сүт өнімдерін өндіру көлемін одан әрі кеңейтуді көздеп отыр.
