Егіндікөл ауданында жергілікті бюджет қаражаты есебінен ангар түріндегі іргелі спорт залы салынуда, – деп хабарлайды «Aqmola News» .
Майра ҚУАНЫШҚЫЗЫ
Құрылыс жұмыстары жүргізіліп жатқан әмбебап залда футбол, волейбол, баскетбол, үлкен теннис сияқты ойындар ойналмақ.
Бұл туралы Егіндікөл ауданының әкімі Ерлан Исабеков мәлім етті.
«Қазіргі уақытта спорт залының іргетасының негізін қалау аяқталды. Ішкі жағына қиыршық тас төселіп, тегістелді. Ғимараттың қаңқалық құрылымдарын орнату бойынша жұмыстар жүргізілуде. Спорт залы аудандық мәдениет үйінің блокты-модульды қазандығына қосылатын болады. Жаңа залда киім ауыстыру, душ, жаттықтырушылар бөлмелері жабдықталмақ. Әмбебап спорт залы көпшілік ойнайтын шағын футбол, волейбол, баскетбол және үлкен теннис сияқты ойындарға ұсынылады, – дейді Ерлан Исабеков.
