Аймақ басшысы Марат Ахметжанов Ақмола облысының №2 көпсалалы облыстық ауруханасына ат басын тіреді. Бұл денсаулық сақтау мекемесі елордаға жақын орналасқан 7 ауданның – Аршалы, Астрахан, Егіндікөл, Ерейментау, Қорғалжын, Шортанды, Целиноград және Қосшы қаласының тұрғындарына медициналық көмек көрсетеді.
Стационарда тәулік бойы ем алуға арналған 220 және күндізгі ем-шара қабылдаушыларға арналған 60 төсек-орын қарастырылған. Мұнда 8 бөлімше бар, атап айтқанда, хирургиялық, акушерлік, гинекологиялық, урологиялық бөлімшелер, сондай-ақ жаңа туған нәрестелер патологиясы және шала туылған нәрестелерді күту бөлімшесі, инсульт орталығы және реанимациялық блоктан тұрады.
Облыс әкімі бөлімшелердің жұмысымен танысып, мекеме қызметкерлерімен кеңес өткізді.
Кездесу барысында проблемалық мәселелер көтерілді. Оның
ішінде-төсек санын 250-ге дейін ұлғайту, травматология және жүрек қан тамыры аурулары бөлімшелерін ашу жайы талқыланды. Бірлескен медициналық көмек көрсету бөлігінде Астана қаласының ауруханаларымен өзара іс-қимыл мәселелері жеке қарастырылды.
Кездесу соңында Марат Ахметжанов елорданың медициналық мекемелерімен меморандум жасау мүмкіндігін қарастыруды тапсырды.
