Электр энергиясын тұтынуда шығын көлемін қысқарту мақсатында Бұланды ауданының Капитоновка селосында заманауи талаптарға сәйкес жаңа көше жарықтары орнатылуда, деп хабарлайды «Aqmola News».
Қолданылуы ұзақ мерзімге арналған және энергияны мейлінше аз тұтынатын жарық шамдары халықтың игілігіне берілді.
Жаңадан іске қосылған көшедегі шамдар ауылдың жарыққа шығынын бірнеше есе төмендетеді. Аталған жобаны жүзеге асыру үшін облыстық бюджеттен 9 миллион 700 мың теңге бөлінген. Капитоновка ауылында 102 тіреулер қойылып, диодты жарық шамдары ілінді, – деді Бұланды ауданы әкімдігінен.
Қазіргі уақытта фонарьларды іске қосу үшін құжаттамаларын рәсімдеу бойынша жұмыстар жүргізілуде.
