Ақмола облысында 15 жасар жасөспірім қыз әлеуметтік желімен арқылы танысып, Шу қаласынан бір-ақ шықты, – деп хабарлайды Aqmola news ақпарат агенттігі.
Жүрегін әлеуметтік желі арқылы жаралаған 15 жасар жасөспірім қыз өз бетімен үйінен кетіп қалған. Шарқ ұрып іздеген анасының ақырында полицияға хабар бермеске амалы болмапты. Қаңтардың жетісі күні үйінен шыққан қыз сол күйі оралмай хабар-ошарсыз кеткен. Анасының айтуынша, қызымен үйінде ешқандай дау-жанжал болмаған. Дегенмен анасы осыған дейін қызының бірнеше рет үйден кеткісі келгенін жасырмады.
Бірнеше күн іздестіру жұмыстарын жүргізген полиция қызметкерлері қызды Жамбыл облысының Шу қаласынан тауып, үйіне аман-есен қайтарды. Қыз әлеуметтік желі арқылы танысқан 20 жасар жігітке кетіп қалған. Жігітте оның Шу қаласына келуіне қарсы болмапты.
Полиция қызметкерлері ата-аналарының балаларына көңіл бөлмеуінен сондай-ақ түрлі түсініспеушіліктерден жоғалатынын ескертуде.
