Жақсы ауданында дәрігерлерге арналған жаңа жоба жүзеге асырылуда. Осыған дейін инфекциялық бөлім орналасқан ғимарат қайта жабдықталып 8 пәтерлі тұрғын үй аудан дәрігерлеріне пайдалануға берілмек, -деп хабарлайды «Aqmola News» Жақсы ауданы әкімдігінің баспасөз қызметіне сілтеме жасап.
Майра ҚУАНЫШҚЫЗЫ
Қазіргі сәтте аудандық орталық аурухана аумағында құрылыс жұмыстары жүріп жатыр. Жөндеу жұмыстарын мердігер компания Павлодар қаласының «ПавлодарЭнергоМонтаж» жауапкершілігі шектеулі серіктестігі өз мойнына алған.
Ғимараттың жалпы ауданы 474 шаршы метрді құрайды. Төрт бір бөлмелі және 4 екі бөлмелі сегіз пәтер болады, – дейді аудандық құрылыс бөлімінің басшысы Дәулет Қосшығұлов.
Желтоқсан айында-ақ орталық аудандық аурухананың дәрігерлері мен қызметкерлері пәтер кілті табыс етілмек.
