Ақмола облысында цемент зауытында қайтыс болған жұмысшыға өтемақы төленетін болады,- деп хабарлайды Aqmola News ақпарат агенттігі.
«Көкше цемент» ЖШС басшысы Марат Жұмабайұлымен телефон арқылы тілдескенімізде осы оқиғаға байлынысты әлі де тергеу жүргізіліп жатқанын айтты. Қайтыс болған 24 жастағы жігіттің жаназасының шығындары төленіп, материалдық көмек көрсетілген.
Естеріңізге сала кетсек, аталған зауыттың цех шебері жұмыс орнында вогонды сүйреу кезінде трос үзіліп кетіп, мерт болған еді.
Қазіргі кезде осы оқиға байланысты ҚР ҚК 156 бабының 3 бөлігі бойынша (Еңбекті қорғау ережесінің бұзылуы) сотқа дейінгі тергеу амалдары жүргізілуде. Сот-медициналық сараптама тағайындалды.
