Есіл ауданында жергілікті кәсіпкердің бастамасымен Заречный отбасылық-дәрігерлік амбулаториясына дәрі-дәрмектер мен қажетті медициналық құрал-жыбдықтар сатып алынды, деп хабарлайды «Aqmola News».
Майра ҚУАНЫШҚЫЗЫ
Бұл туралы Есіл ауданы әкімдігі мәлім етті.
Облыстың әр түкпірінде коронавирус індетімен күреске жергілікті кәсіпкерлер үлес қосып, материалдық тұрғыда медицина мекемелеріне қолдау білдіруде. Солардың бірі «Заречный» жауапкершілігі шектеулі серіктестігінің директоры Уәлихан Әріпов өз бастамасымен 700 мың теңгені медицина мекемесінің қажетіне жұмсады.
Ел-жұртты алаңдатқан дерттің күн санап дендеп кеткені баршамызды қатты үрейлендіріп отыр. Мұндай жағдайда бәріміз бір жағадан бас, бір жеңнен қол шығарып індетпен күресуіміз қажет. Халықтың денсаулығы үшін қолдан келгенше қолдау білдіру әрбіріміздің азаматтық парызымыз деген ойдамын, – дейді Уәлихан Әріпов.
Кәсіпкер алдағы уақытта да емдеу мекемесіне қажетті дәрі-дәрмек жеткізуді өз мойнына алған.
