Ақмола облысында талапкерлердің магистратураға түсуі үшін тестілеуден өту процессіне жүргізілген қоғамдық мониторинтің қорытындысы шығарылды. Бұл туралы «Ақмола адалдық – алаңы» жобалық кеңсесінің жетекшісі Самира Тәйтенова айтты, деп хабарлайды ҚазАқпарат тілшісі Ақмола облысы бойынша жемқорлыққа қарсы іс-қимыл департаментінің баспасөз қызметіне сілтеме жасап. Осыған дейін хабарлағанымыздай, Ақмола облысында тамыздың 10 – 14 аралығында Ш.Уәлиханов атындағы Көкшетау мемлекеттік университетінің базында кешенді тестілеу өткізілді. Ұйымдастырушылар және студенттер тарапыннан заңбұзушылыққа жол бермеу мақсатында қоғамдық мониторинг жүргізілді. Бұған байқаушы ретінде Ақмола облысы бойынша жемқорлыққа қарсы іс-қимыл департаментінің қызметкерлері, «Ақмола адалдық – алаңы» жобалық кеңсесінің және қоғам өкілдері тартылды. Байқаушылар тестілеу залдарында орнатылған бейнебақылау камералары арқылы тестілеу процессін онлайн режимде бақылап отырды. Нәтижесінде тестілеу өткен 5 күннің ішінде 8 тестілеу залынан қуылды. Университет ғимаратына кіре берісте, рұқсат етілмеген заттар мен жабдықтар анықталды. Оның ішінде 252 смартфон бар. Жалпы, тестілеуге өтініш берген 535 талапкердің 503 қатысты. «Бұдан бөлек, біз талапкерлердің техникалық және кәсіби білім беру ұйымдарына түзу кезінде тапсыратын эмтихандарына қатысуды жоспарлап отырмыз. Қазіргі кезде, ұйымдастыру мәселесін шешу бойынша жұмыстары жүргізілуде», дейді Самира Тәйтенова.
Ұқсас мақалалар
- Жарнама-