Бүгін Жарқайың аудандық мешіті жамағатының атынан провизорлық стационарға азық-түлікпен қайырымдылық көмек көрсетілді,-деп хабарлайды «Aqmola News».
Елімізде орын алған жағдайға байланысты Жарқайың ауданы мешітінің бас имамы Алмас Оспанның бастамасымен ұйымдастырылған бұл қайырымдылық шара алдағы уақытта да өз жалғасын таппақ.
«Жақсылық жасаңдар, қайырымды болыңдар!» деген Пайғамбарымыздың (с.ғ.с.) асыл сөзі кез-келген шынайы мұсылманды қайырымдылық пен жақсылыққа ұмтылдырары сөзсіз.
Естеріңізге сала кетсек, аудандық аурухананың терепия бөлімінен 50 орындық провизорлық орталық жұмыс істеуде.
Орталықта барлығы 3 дәрігер, 10 медбике,9 санитар-тазалықшы еңбек етуде.
Провизорлық орталық ашылғалы бері 136 науқас түскен. Бүгінде олардың 88-і жазылып шыққан.
