Жаңа жылдық мерекелерде кезекшілікке келген полицейлерді Полиция департаментінің бастығы полковник Нұрсұлтан Мұқашев құттықтады. Бірінші басшы жеке құрамға адал қызметі үшін алғысын білдірді, сондай-ақ алдағы жылға міндеттер қойды. Естеріңізге сала кетейік, ішкі істер министрінің тапсырмасы бойынша мереке және демалыс күндері полиция қызметкерлері қызмет өткерудің күшейтілген нұсқасына көшті. Ақмола өңірі тұрғындарының қауіпсіздігін қамтамасыз ету үшін жаяу және патрульдік нарядтар, әсіресе адамдар шоғырланған жерлерде тығыздалған. Жалпы гарнизондық нұсқаулықтан кейін полицейлер қызмет атқару орындарына барды. Тәртіп сақшылары азаматтардан қолданыстағы заңнаманы бұзбауды және қоғамдық тәртіпті сақтауды сұрайды.
Ұқсас мақалалар
- Жарнама-
