Ағымдағы жылдың 29 маусымында Көкшетау қаласының аумағында «Бұқпа КШШ» КММ шағалы орманшылығында табиғи өртті сөндіру бойынша кенеттен өрт-тактикалық оқу-жаттығулары өткізілді.
Оқу-жаттығудың жоспары бойынша өрт трактордағы ұшқын сөндіргіштің ақаулығы салдарынан орын алды, ол қатты желдің салдарынан орман алқабына өтіп, саяжай учаскелеріне таралу қаупін тудырды. Оқу-жаттығу барысында оқиғаларды дамытудың түрлі нұсқалары, оның ішінде өрт сөндіруге қатысушылардың жарақат алуы пысықталды. Оқу-жаттығуға шағалы орманшылығының, «Бұқпа КШШ» КММ, Көкшетау қаласының азаматтық қорғау гарнизонының, жергілікті атқарушы органдардың, жедел медициналық көмек және полиция органдарының қызметкерлері қатысты.
