Маусым айының 26-нан бастап Ұлттық ұлан Орталық өңірлік қолбасшылығында тексеру қарқыны басталып кетті. Тексеріске әскери бөлімнің барлық санаттары, офицерлері, келісім шарт бойынша әскери қызметшілері тартылды, деп хабарлайды ҚР ҰЛТТЫҚ ҰЛАНЫНЫҢ ОРТАЛЫҚ ӨҢІРЛІК ҚОЛБАСШЫЛЫҒЫНЫҢ БАСПАСӨЗ ҚЫЗМЕТІ.
– Дүйсенбіден бастап біз жоспарға сай тексеріс өткізудеміз. Әскерилер кәсіби дайындық, мемлекеттік құқықтық дайындық, тактика сынды пәндерден тестілеу өтсе, дене шынықтыру, атыс сынды сабақтардан практикалық жаттығуларды тапсырып жатыр, мұның барлығы осы күнге дейін шыңдап келген кәсіби шеберліктерін тексеру мақсатында. Бүгінгі таңда еліміздің әрбір әскери қызметшісі қай саладан болмасын қарудан атып, өзгерген жағдайда дұрыс та жедел шешім қабылдап, өз ісінің маманы болуы тиіс, дейді Орталық өңірлік қолбасшылығы қолбасшысының орынбасары полковник Ильяс Сагандыков.
Жиын барысында ұландықтар белтемірде тартылу, 100, 1000 метр қашықтыққа жүгіру, 9- мм Макаров тапаншасынан, АК-74 қаруынан ату сынды сынақтардан өтулері тиіс, себебі жылдың аяғынде әскерилер өздерінің кәсібилігін сыныптық дәрежесін қорғайтын болады.
