Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығының ұйымдастыруымен 2023 жылғы 9-11 сәуір аралығында Ақмола облысы білім басқармасының Көкшетау қаласы, Абай атындағы (қазақ тілінде оқытылатын) дарынды балаларға арналған №3 облыстық мамандандырылған мектеп-интернатының базасында 8-11 сынып оқушылары арасында ХХIV «Абай оқулары» республикалық шығармашылық конкурсының облыстық кезеңі және ХІІІ «Махамбет оқулары» облыстық байқауы өтті, деп хабарлайды облыстық білім басқармасының баспасөз қызметі.
Іс-шараның негізгі мақсаты: өскелең ұрпақты қазақ әдебиетінде ерекше орын алатын ақындардың шығармаларымен таныстыру; шығармашылықты дамыту, рухани мұраға деген сүйіспеншілікті тәрбиелеу.
«Абай оқулары» байқауы 6 номинация бойынша өткізілді:
1) «Өлең сөздің патшасы, сөз сарасы»
2) «Абайдың қара сөздері»
3) «Абайдың ақын шәкірттерінің шығармалары»
4) «Көңілім әнді ұғады»
5) «Жүйріктен жүйрік озар жарысқанда»
6) «Ұлылар әлемі»
«Махамбет оқулары» байқауы 3 номинация бойынша өтті:
1) «Ел құтқарар едім»
2) «Тартынбай сөйлер асылмын…»
3) «Ұлы арман»
Байқауға аудандардан, Көкшетау, Степногорск, Қосшы қалаларынан және дарынды балаларға арналған облыстық мамандандырылған мектеп-интернаттарынан 150-ге жуық оқушы қатысты.
ХХIV «Абай оқулары» республикалық шығармашылық конкурсының облыстық кезеңінің 33 жеңімпаздар мен жүлдегерлер Ақмола облысы білім басқармасының дипломдарымен, сыйлықтарымен және медальдарымен марапатталды: І-6, ІІ-10, ІІІ-17, грамота-12.
«Махамбет оқулары» байқаудың қорытындысы бойынша – 18 жеңімпаздар мен жүлдегерлер Ақмола облысы білім басқармасының дипломдарымен, сыйлықтарымен және медальдарымен марапатталды: І-3, ІІ-6, ІІІ-9, грамота-4.
Сонымен қатар, іс-шара барысында балалармен түрлі ойындар, тренингтер өткізілді. Топ жетекшілерімен «Ақмола дарыны» педагог-психологымен «Біздің эмоцияларымыз» тақырыбында психологиялық тренинг өткізілді.
Команда қатысушыларымен «Болашақты таңдағанда» тақырыбында психологиялық тренинг өткізілді. Еліміздегі ең ірі педагогикалық отрядтардың бірі – «Думан» педагогикалық отрядының тәлімгерлері мен командалардың қатысушыларымен флешмоб ұйымдастырылды.
ХХIV «Абай оқулары» республикалық шығармашылық конкурсының облыстық кезеңінде 1 орын алған қатысушылар республикалық кезеңде Ақмола облысының намысын қорғайтын болады.
Құттықтаймыз және алдағы жарыстарда сәттілік тілейміз!!!
