Ақмола облысы әкімдігінде азық-түлік бағасын тұрақтандыру комиссиясының отырысы өтті, – деп хабарлайды «Aqmola news» «Есіл» әлеуметтік-кәсіпкерлік корпорациясына сілтеме жасап.
Облыс әкімінің орынбасары Қанат Ыдырысовтың төрағалығымен өткен жиында әлеуметтік маңызды азық-түлік тауарларының бағасын тұрақтандыру тетіктерін қамтамасыз ету мәселесі қаралды. Жиынға қатысқан комиссия мүшелері өңірлік тұрақтандыру қорының азық-түлік бағасын тұрақтандыруды одан әрі жүзеге асыру жолдары мен сатын алынатын тауарлардың номенклатурасын талқылады.
Аталған шаралар облыс әкімі Ермек Маржықпаевтың әлеуметтік маңызды азық-түлік тауарларына бағаны тұрақтандыру және бағаны негізсіз өсіруге жол бермеу жөніндегі тапсырмасына сәйкес жүргізілуде, – деді облыс әкімінің орынбасары, – Қанат Ыдырысов.
