Облыс әкімі Ермек Маржықпаев Ұлыстың ұлы күні – Наурыз мейрамының құрметіне өткізілген облыстық «Батамен ел көгерер» байқауының жеңімпаздары мен жүлдегерлерін марапаттау рәсіміне қатысты,-деп хабарлайды «Aqmola News» ақпарат агенттігі.
Сондай-ақ, облыстық әдебиет және өнер музейі мен «Қоғамдық келісім» мекемесінде болып, «Әлди, әлди, ақ бөпем» онлайн байқауының жеңімпаздарына және «Елбасы» медалі» бағдарламасында жеңіске жеткен оқушыларға жүлделер мен медальдар табыс етті.
Сонымен бірге, соғыс және еңбек ардагерлерінің үйлері мен Аналар үйіне арнайы барып, қадірменді қарияларды және жалғысбасты аналарды алда келе жатқан көктем мерекесімен құттықтады.
