Екі жыл ішінде 30 мыңға жуық заң бұзушылық: Ақмола облысының полицейлері заңсыз қоқыс үйінділеріне қарсы күресті күшейтті

Ақмола облысында «Таза Қазақстан» экологиялық акциясы аясында ауқымды жұмыстар жалғасуда. Аймақ полицейлері қоғамдық тәртіпті қадағалап, қоршаған ортаны ластайтын бұзушылармен белсенді күресуде.
Соңғы екі жылда полиция департаментінің қызметкерлері рұқсат етілмеген жерлерге қоқыстарды, құрылыс қалдықтарын заңсыз шығарумен және жуынды төгумен байланысты 28 мыңға жуық әкімшілік құқық бұзушылықты анықтады.
Бақылауды күшейту үшін өңірде 189 мобильді топ құрылды, оның құрамына 490 полиция қызметкері кірді. Олар күн сайын рейдтер жүргізіп, проблемалық учаскелерді тексереді және елді мекендерде де, қалалар мен ауылдардың шетінде де бұзушыларды анықтайды.
Сұйық қалдықтарды заңсыз ағызу фактілеріне ерекше назар аударылады. Осылайша, екі жыл ішінде жүргізушілері арнаулы полигондардан тыс жерлерге жуынды төккен 83 ассенизаторлық машина анықталды. Сонымен қатар, қатты тұрмыстық және құрылыс қалдықтарын заңсыз шығаруды жүзеге асырған 69 ауыр жүк көлігінің қызметі тоқтатылды.
Экологиялық талаптарды бұза отырып, қалдықтарды тасымалдаумен айналысатын 19 тасымалдаушы анықталды.
Тек осы жылдың басынан бастап полицейлер 4 мыңға жуық осындай заң бұзушылықты тіркеді.
Экологиялық қауіпсіздік – бұл жалпы жауапкершілік деп атап айтады Ақмола облысының полиция департаменті. Құқық бұзушыларды анықтау және экологиялық құқық бұзушылықтардың алдын алу жөніндегі жұмыс жалғастырылатын болады.