29-30 наурыз аралығында Түркістан қаласында «Гүлденген қызғалдақтар» халықаралық хореографиялық өнер байқауы өтті.
Оған Қазақстан қалаларынан және шет мемлекеттерден үздік хореографиялық ұжымдар қатысты.
Байқауда біздің Көкшетау қаласының атынан «Достар» мәдениет сарайындағы «Асыл мұра» халық би ансамблі өнер көрсетті.
Қазылар алқасы хореографиялық ұжымдардың өнерін жас ерекшеліктеріне қарай бағалады.
Байқаудың үлкен жас тобындағы Гран-при иегері «Асыл мұра» фольклорлық ансамблі атанды.
Бұл ұжымның тобы (3-4 жастағы балалар) бірінші орынмен марапатталды.
Балаларымызды лайықты жеңістерімен құттықтаймыз!!!
