Қазақстан халқы Ақмола Ассамблеясының «ТҰЛҒАТАНУ» бірегей жобасын іске асыру шеңберінде қазақтың ұлы ақыны, композиторы – Ақан сері Қорамсаұлының шығармашылығына арналған кеші өтті.
Бүгін «ТҰЛҒАТАНУ» жобасының басталуын Көкшетау қаласының әдебиет және өнер мұражайымен бірлесіп «Видергебурт» Ақмола облыстық немістер қоғамы» қоғамдық бірлестігі ұйымдастырды. Шара барысында жастар Ақан серінің өмірбаяны мен сан қырлы өнері туралы мағлұмат алып, ақынның әндерін тыңдай алды.
Аталған жоба жастарды қазақ мәдениетіне, ғылымына, өнер мен әдебиет қайраткерлері бойынша танымдық іс-шараларға белсенді тартуға, қазақстандық патриотизмді насихаттауға, Қазақстан этностарын жақындастыруына және қазақ халқының мәдени мұрасын танымал етуге бағытталған.