Ақмола полицейлері бұрын жасалған қылмысты ашты. Ағымдағы жылдың 9 қарашасында Степногорск қаласының Полиция басқармасына өңірдегі кәсіпорындардың бірінің аумағында ұрлық жасалғаны туралы өтініш келіп түсті.
Келіп түскен өтініште а.ж. 2 қарашада белгісіз адамдар комбинаттың суық қоймасына кіріп, іскерлік металды ұрлап кеткені туралы хабарланды. Залал сомасы 6 млн. 308 мың теңгені құрады.
Жедел-іздестіру іс-шаралары барысында криминалдық полиция бөлімінің қызметкерлері күдікті тұлғаны анықтады. Қазіргі уақытта оның аталған қылмысқа қатысы тексерілуде.
Қылмысты ашу үшін полицейлер аймақтың металл сынықтарын жинау пункттерін тексеріп, ұрланған металды Астана қаласынан тапты. Заттай дәлелдемелер тәркіленді.
Күдікті азаматтың комбинат қызметкері екені белгілі болды. Ол жүк көлігі мен жүк тиегішті жалдап, ұрланған затты Астана қаласына апарып, содан кейін металды қабылдау пунктіне тапсырған.
Полиция басқармасы осы фактіге қатысты ҚР ҚК 188-бабының 3-бөлігі «ұрлық» бойынша сотқа дейінгі тергеп-тексеруді бастады.
freepik.com
Сондай-ақ...оқыңыз
- Жарнама -
Ұқсас мақалалар
- Жарнама-