Ақмола полицейлері жаңа жылдық шыршаларды сатудың заңдылығын тексеруде

Жаңа жыл қарсаңында қылқан жапырақты ағаштарды заңсыз кесу, тасымалдау, өткізу фактілерін анықтау және жолын кесу мақсатында Ақмола облысы ПД ЖПҚБ табиғатты қорғау және әкімшілік полиция бөлімшелерінің қызметкерлері «Шырша» жедел-профилактикалық іс-шарасын өткізуде.
Орман шаруашылығы және жануарлар дүниесі инспекциясының қызметкерлері, атқарушы органдар мен полицейлер қатарынан арнайы мобильдік топтар қылқан жапырақты ағаштарды заңсыз кесу, оларды бөлшек саудада, базарларда заңсыз сату және т.б. фактілердің жолын кесу бойынша 123 рейд жүргізді.
Жедел алдын алу іс шарасын өткізу барысында белгіленбеген жерлерде қылқан жапырақты ағаштарды сатудың 3 фактісі және жасыл желектерді ұстау және қорғау ережелерін бұзудың 1 фактісі анықталды.
Сатушыларға қатысты Қазақстан Республикасы Әкімшілік Кодексінің 204-бабы бойынша бес айлық есептік көрсеткіш мөлшерінде айыппұл салумен әкімшілік хаттамалар жасалды.
«Шырша» ЖАІШ жаңа жыл қарсаңында өтеді және ағымдағы жылдың 31 желтоқсанында аяқталады.