Құрметті елорда тұрғындары мен қонақтары!
Осы демалыс күндері 28 және 29 қазанда Астанада Ақмола облысының тауар өндірушілерінің қатысуымен кезекті ауыл шаруашылығы жәрмеңкесі өтеді.
Жәрмеңке сенбі және жексенбі күндері сағат 9.00-ден 18.00-ге дейін Тұран даңғылы 48 мекен-жайында «Астана Арена» стадионының жанында өтеді.
Өңірдің 100 ауыл шаруашылығы тауарын өндірушілері әкелуді жоспарлап отырған өнімнің жалпы көлемі 300 тоннадан астам өнімді құрайды. Қала тұрғындары мен қонақтары жергілікті өндірушілердің 50-ден астам азық-түлік атауын сатып ала алады. Бағалар нарықтық бағадан 10-20% – ға төмен.
Облыс аграршылары:
– 100 тонна ет және шұжық өнімдері,
– 2 тонна балық,
– 400 мыңнан астам жұмыртқа,
– шамамен 20 тонна сүт және сүт өнімдері,
– 25 тоннадан астам ұн, 50 тонна картоп,
– көкөніс және басқа да өнімдер.
