Ағымдағы жылдың 15 мамырында Көкшетау қалалық сотының үкімімен Ақмола облысы Шортанды ауданы Шортанды кентінің экс-әкімі Ц. Мәмбет орта қауіпсіздік түзеу мекемесінде жазасын өтеуге 4 жылға бас бостандығынан айырылды.
Ол құқық қорғау органының қызметкеріне өзіне қатысты тергеліп жатқан қылмыстық істі тоқтату үшін 7,9 миллион теңге сомасында пара бергені үшін кінәлі деп танылды.
Сотталған мемлекеттік қызметте және квазимемлекеттік секторда қызмет атқару құқығынан өмір бойына айырылды.
Үкім заңды күшіне енген жоқ.
