Аймақтағы эпидемиологиялық жағдай біртіндеп тұрақтануда. Бүгінгі таңда 814 науқас өткен аптамен салыстырғанда 20% – ға азайды, деп хабарлайды ішкі саясат басқармасы.
Денсаулық сақтау басқармасының ақпараты бойынша, реанимациядағы науқастар саны 14% – ға азайды. Жалпы жұқтырғандардың ішінде 12035 жағдай коронавирустық инфекция өздігінен жүгінген кезде анықталды.
«Коронавирустық инфекциямен ауыратын науқастарға стационарлық медициналық көмекті 23 медициналық ұйым көрсетеді. Коронавирустық инфекцияны жұқтыру қаупін азайту мақсатында әртүрлі патологиясы бар науқастарға қашықтықтан кеңес беру ұйымдастырылды. Барлығы қашықтықтан кеңес беру-13 051. Науқастардың диспансерлік топтары үшін 150 мобильді бригада құрылды», – деп атап өтті денсаулық сақтау басқармасының басшысы Нариман Сыздықов.
Өңірде вакцинация науқаны жалғасуда. Бүгінгі таңда бірінші компонент 64,4% және екінші компонент – 53,8% егілді.
Облыста «Спутник V», «QazVak», «Hayatvax», «СoronaVak» және «vero Cell» вакциналарынан басқа, өңірге 24000 доза келіп түскен «QazVak» вакцинасын да егуге болады. Вакцинаға разнарядка дайындалды, енді ол облыстың медициналық ұйымдарына тасымалданады.
Айта кетейік, өңірде 133 егу пункті, 135 мобильді бригада жұмыс істейді. Вакцинацияға 564 медицина қызметкері жұмылдырылды. Сонымен қатар, вакцинация науқанына 11 жылжымалы медициналық кешен қатысады.
