Шортанды ауданында коммуналдық кәсіпорынға су жаңа қоқыс тасығыш көлік табыс етілді, деп хабарлайды «Aqmola News».
Бүгін «Шортанды Су» ШЖҚ МКК автокөлік паркі тағы бір көлік бірлігімен толықты. Аудан әкімі Гайдар Қасенов коммуналдық кәсіпорын қызметкерлеріне жаңа қоқыс тасығыштың кілтін табыс етті. Оның айтуынша, жаңадан сатып алынған қоқыс тасығыштың көмегімен ауданның экологиялық жағдайы жақсарады.
«Осындай техника болған жағдайда абаттандыру, аумақтар мен инфрақұрылымды дамыту әлдеқайда тиімді әрі сапалы жүзеге асырылатынына сенімдімін. Ал біздің елді мекендер көркейе түседі», – деді аудан әкімі Гайдар Қасенов.