Варна қаласында (Болгария) KWU нұсқасы бойынша киокушинкай-кан каратеден әлем Кубогы аяқталды. Байрақты бәсекеде өз салмақ дәрежесінде қарсылас шақ келтірмеген жерлесіміз Сергей Духов жеңіс тұғырына көтерілді, деп хабарлайды «Aqmola News».
Татамиге әлемнің 17 елінен 500-ге жуық үздік каратэші шықты.
14-15 жас аралығындағы топта Ақмола облысынан келген спортшы Сергей Духов (45 кг дейін) Алтын медальға ие болды. Оның жаттықтырушысы Азамат Такеновтың айтуынша, Сергей керемет жекпе-жектер мен жауынгердің шынайы рухын көрсетті.
«Ол төрт жекпе – жек өткізіп, барлық жекпе – жекті сенімді жеңді», – дейді Азамат Такенов.