Шахмет Құсайынов атындағы облыстық қазақ музыкалық драма театры кезекті театр маусымын «Шыңғыс хан » драмасымен жапты,-деп хабарлайды «Aqmola News» театрдың баспасөз қызметіне сілтеме жасап.
Қойылым авторы – Елена Баранчикопва, режиссері Мұратбек Оспанов.
Спектакль соңында театр басшысы Мұратбек Үкібайұлы қорытынды сөз сөйлеп, жыл бойғы көрермен сауалнамасы арқылы анықталған үздік актер мен үздік актрисаның есімін жариялады.
Жылдың үздік актрисасы ҚР «Мәдениет саласының үздігі» Маржан Бөкешова, жылдың үздік актері Еркебұлан Төлеуов болды. Жеңімпаздарға арнайы статуеткалар мен дипломдар және гүл шоқтары табысталды.
Сонымен қатар театр маусымының жабылуына арнайы келген облыстық мәдениет басқармасының басшысы Айгүл Баубекқызы құттықтау сөз сөйлеп театр артистеріне арнайы алғыс хаттар мен қоса гүл шоқтарын ұсынды.
