Ақмола облысы Ішкі саясат басқармасы мен «Рухани жаңғыру» өңірлік жобалық кеңсесі» ғашықтар күніне орайластырып, «Қозы менен Баяндай» атты қалалық байқауын өткізеді. Байқау 15 сәуір күні өткізіліп, қорытындысы шығарылмақ,-деп хабарлайды «Aqmola News» ақпарат агенттігі.
Байқауды өткізудегі мақсат- ғашықтар күні мерекесінде жастардың санасына достық, адалдық, сыйластық сезімдерін сіңіру. Бір-біріне деген құрметтерін арттыру. Бүгінгінің Қозысы мен Баянын көпшілікке насихаттау. Жастардың бойында өжеттілік пен алғырлықты, жан-жақтылық пен білімпаздықты қалыптастыру. Өнерлерін шыңдауға мүмкіндік беру, өздерін топ алдында ұстауға, сөз сөйлеуге машықтандыру. Жастардың бір-бірімен жақын танысып, аралас-құралас болуына жағдай тудыру,-дейді ұйымдастырушылар.
Байқау шарттары:
– Байқауға қатысуға өтінім ұсыну;
– Байқауға 16-25 жас аралығындағы жұптар қатыса алады;
– Байқауға қатысу үшін ruhani.jangyru парақшасына тіркеліп, соңғы 10
постқа лүпіл, пікір (лайк, комментарий) қалдыру;
Байқаудың өткізілу тәртібі:
– Байқау төрт кезеңнен тұрады.
1. Таныстыру. (Қатысушы үміткер жұптар өздерін қызықты етіп таныстыруы қажет.) Таныстыру ұзақтығы 3 минуттан аспауы тиіс;
2. Өнер. (Ән, би, театрландырылған қойылым) ұзақтығы 5 минуттан аспауы қажет;
3. Сұрақ жауап. (Еңлік пен Кебек, Қалқаман мен Мамыр, Қыз Жібек пен Төлеген, Қозы Көрпеш пен Баян сұлу, Ләйлі мен Мүжнүн секілді ғашықтарға қатысты сұрақтар) 5 минуттан аспауы тиіс;
4. Бейне ролик. (Еркін тақырыпта бейне роликтер) 3-5 минут аралығында;
– Қосымша файлда қатысушының толық аты-жөні, жеке куәлігінің көшірмесі, тұрғылықты мекен-жайы, байланыс телефондары көрсетілуі шарт;
– Өтінім 2021 жылдың 12 сәуіріне дейін қабылданады, мерзімінен кеш ұсынылған өтінімдер байқауға қабылданбайды және қазылар алқасы тарапынан қаралмайды;
– Байқауға ұсынылған бейне ролик «Бейне роликтің тақырыбы», «Бейне роликтің мәнділігі», «Бейне жазба сапасы» сияқты критерийлер арқылы арнайы тағайындалған қазылар алқасымен бағаланады.
– Дайын бейне жазбаны Ақмола облысы «Рухани жаңғыру» өңірлік жобалық кеңсесінің uvp_ruh@aqmola.gov.kz электрондық мекен-жайына немесе +7 775 841 10 39 нөмірі бойынша Whats app мобильдік мессенджері арқылы жолдауы тиіс;
– Арнайы бекітілген қазылар алқасының шешімімен байқауда Бас жүлде және I, II, III орынды иеленген қатысушылар бағалы сыйлықтармен марапатталады, сондай-ақ ынталандыру сыйлықтары да қарастырылған;
Іс-шараның өтетін орны: «Қоғамдық келісім» коммуналды мемлекеттік мекемесі, Көкшетау қаласы., 2/5 үй.
