Шортанды ауданында «Nur Otan партиясы аудандық филиалының мүшелері мен санитарлық-эпидемиялогиялық бақылау басқармасының қызметкерлері «Ардагерлерді ардақтайық» партиялық жобасы аясында, дәрі-дәрмекпен қамтамасыз ету және медициналық қызмет көрсету сапасы мәселелері бойынша дәріханаларға мониторинг жүргізді,-деп хабарлайды «Aqmola News».
«
Nur Otan» партиясы аудандық филиалы төрағасының бірінші орынбасары А. Ш. Қожамсейітов, ҚКП төрағасы И. Жукова, Шортанды ауданының санитарлық-эпидимологиялық бақылау басқармасының бастығы К. Төлеуғазин дәріханаларға барды.
Дәріханалардың қызметкерлерімен әңгіме барысында партиялықтар вирусқа қарсы препараттар, антибиотиктер, витаминдік кешендер, жеке қорғаныс құралдары (маскалар, антисептиктер) жеткілікті мөлшерде бар-жоғын сұрады.
Аудандық аурухананың бас дәрігері Р.Бутембаев барлық дәріханаларда жоғарыда аталған барлық дәрі-дәрмектер мен алдын-алу құралдары қазіргі уақытта жеткілікті екенін мәлімдеді. Күздің соңы мен қыстың басталуы, әдетте, суықтың, тұмаудың және созылмалы аурулардың өршуімен сипатталады, сондықтан дәріханалар жылдың осы уақытында дәрі-дәрмектерге деген сұранысқа әрдайым дайын.
Сонымен қатар, биыл пандемия жылы бұл міндет одан әрі басымдыққа ие болады.
Партия мүшелері аудандық ауруханада болды, онда бүгінгі таңда тегін медициналық көмектің кепілдік берілген көлемі бойынша дәрі-дәрмектер сатылатын дәріханалар жұмыс істейді.
Дәрі-дәрмектерді тегін босатумен қамтамасыз етілген науқастардың саны осы жылы аудан бойынша 10 мың адамды құрады. 2020 жылы 106,7 млн. теңге сомасында препараттар алынды. Проблема қант, инсулин, индамид, финлепсин, беродуал, сальбутамол сынақтарын жеткізуде болды.
Айта кету керек, ауылдық округтерде мамандандырылған дәріханалар жұмыс істемейтіндіктен, ауыл тұрғындары алдын ала өтінім жасап, жергілікті медицина қызметкерлері арқылы тізімге енгізілген тегін дәрі-дәрмектерді ала алады.
Ал бекітілген рецепт бойынша медицина қызметкері бұл дәрі-дәрмектерді орталық дәріханадан алады және тұрғындарға жеткізеді. Сондай-ақ аудандық ауруханада тегін қамтамасыз ету бойынша жетіспейтін препараттар бар екендігі туралы айтылды.
Партия мүшелері Халық денсаулығы мемлекеттік саясаттың ең маңызды міндеті екенін атап өтті, сондықтан дәріханалардың қызметіне, дәрі-дәрмектермен қамтамасыз етуге байланысты барлық мәселелер партиялық бақылау тұрғысынан тұр.
