Биыл Ақмола облысында дәнді дақылдардың барлық түрі бойынша жақсы өнім жиналды. Облыс әкімі Ермек Маржықпаев өңірлік коммуникациялар алаңында өткен брифингте күзгі науқан жұмыстары жайлы да айтып өтті,-деп хабарлайды «Aqmola News».
«Өңірде аграрлық сектор өнеркәсіппен қатар өңір экономикасының негізгі маңызды салаларының бірі. Биылғы жылы мемлекеттік қолдау ретінде бұл салаға шамамен 74 млрд теңге бөлінді. Осының арқасында, ақмолалық диқандар егін жинау науқанын белгіленген мерзім ішінде өткізді, ауыл шаруашылы дақылдарының барлық түрлері бойынша жақсы өнім жинап алдық», – деді аймақ басшысы Орталық коммуникациялар қызметінде.
Осы орайда ол 5,2 млн тонна астық жиналғанын атап өтті.
«Бұл ретте, санаттылығы мен дән маңыздылығы бойынша егін сапасы өткен жылға қарағанда жоғары», – деді Ермек Маржықпаев.
