Ақкөл қаласындағы Степной шағын ауданында су құбыры желісінің құрылысы аяқталды, – деп хабарлайды «Aqmola News» Ақкөл ауданы әкімдігінің баспасөз қызметіне сілтеме жасап.
Су құбырын салуға жалпы сомасы 444,95 миллион теңгеге жуық қаражат бөлінген.
Аудан әкімдігінің мәліметінше қазіргі уақытта су құбырын салу жұмыстары толықтай аяқталған.
Нысан бойынша 11,4 шақырым су құбыры желілері салынды. Осылайша 242 абонентті ауыз суға қосуға мүмкіндік берілді. Сондай-ақ өткен жылы Азат аулында да су құбырын қайта жаңарту жұмыстары басталған. Жобаның жалпы құны 571,2 миллион теңге болған. Қазіргі уақытта 17 шақырымнан астам су таратқыш таратушы желілері құрылысы орындалды. 2 су тарту ұңғымалары бұрғыланды. әрқайсысы 150 текше метр таза судың екі резервуарлары салынуда, – дейді аудан әімдігінің баспасөз қызметінен.
Аталған нысан осы жылдың қазан айында іске қосылмақ.
