spot_img
Жексенбі, Наурыз 3, 2024
-6.8 C
Kokshetau

Ұлтттық банк теңгенің әлсіреу себебін түсіндірді

Сондай-ақ...оқыңыз

30 қыркүйектегі сауда-саттықтың ашылуында теңгенің бір АҚШ долларына шаққандағы бағамы 431 теңгеден асты және алдыңғы күнмен салыстырғанда 0,4%-ға әлсіреді. Ұлттық банк төрағасының орынбасары Әлия Молдабекова себебін түсіндірді, деп хабарлайды «Aqmola News» Ұлттық банк баспасөз қызметіне сілтеме жасап..

«Мұнай бағасының құлдырауы ұлттық валютаға қысым көрсетеді және нарықтың бұдан былайғы перспективаларына және көмірсутектерге деген сұранысқа қауіп төндіреді. Коронавирус инфекциясының өршуі әлемде отынға деген сұраныстың ұзақ уақыт бойы қалпына келуі және әлемдік экономиканың өсу тәуекелі күшейді. Көптеген экономистер мұнайды тұтынудың айтарлықтай өсімі кейінгі 1,5-2 жылда болатынын айтады. Сонымен қатар, Ливияда шикізат өндірудің әлеуетті қалпына келтірілуі мұнай бағасын белгілеуге қысым көрсетті», – дейді Әлия Молдабекова.

29 қыркүйекте Brent маркалы мұнай баррелінің құны $42,43 доллардан $41,03 долларға дейін (3,3%), ал WTI сұрыпты мұнай баррелінің құны $40,6 доллардан $39,29 долларға (3,2%) төмендеп, $40 долларға жетті.

Бүгін таңертең баға төмендеді, Brent мұнайының баррелі $40,54 доллар деңгейінде саудаланады, бұл ай басындағы деңгейден 10,5%-ға төмен. Осы кезеңде теңге бағамы 431,64-ке дейін (2,7%) әлсіреді.

«Жалпы алғанда, әлемдік қаржы нарығында құбылмалылықтың өсуі және жаһандық risk-off байқалады, бұл дамушы нарықтар валюталарына теріс әсер етеді. Айдың басынан бастап түрік лирасы 6,7%-ға, Бразилия реалы мен Мексика песосы 2,6%-ға құнсызданды. Ресей рублі қыркүйек айының басынан бері 6,6%-ға айтарлықтай төмендеді. 29 қыркүйекте Ресейдің ұлттық валютасының деңгейі (көп айлық) ең төменгі көрсеткіш – 79,97-ге жетті. Рубль бағамының әлсіреуі геосаяси тәуекелдердің өсуіне және ЕО санкциялық тізімдерінің кеңею ықтималдығы туралы хабарларға байланысты болды», – деді банк төрағасының орынбасары.

Ұлттық банк өкілі мұнай бағасы теңгенің айырбастау бағамына әсер ететін негізгі фактор екенін жеткізді.

- Жарнама -spot_img
- Жарнама -spot_img
Соңғы мақалалар

2023 жылы 140 мыңнан астам ақмолалық АИТВ-ға тестілеуден өтті

Бірінші наурызда ЮНЭЙДС бастамасымен, бүкіл әлемде "Кемсітушілік нөлі" күні атап өтіледі. 2024 жылғы ұраны - "Әркімнің денсаулығын сақтау үшін,...
- Жарнама -spot_img

Ұқсас мақалалар

- Жарнама-spot_img