Ақкөл ауданында «Жұмыспен қамту жол картасы-2020» мемлекеттік бағдарламасы шеңберінде жөндеу жұмыстары жалғасуда, Әсіресе, әлеуметтік нысандарға баса назар аударылған , – деп хабарлайды «Aqmola News».
Майра ҚУАНЫШҚЫЗЫ
Аудан әкімдігінің мәліметінше биыл бағдарлама шеңберінде бірқатар іргелі жобалар жүзеге асырылған.
Мемлекеттік бағдарлама арқылы Абай атындағы Ақкөл аудандық кітапхана ғимаратына жөндеу жұмыстары жүргізілді. Нысандағы ескі ағаш терезелердің орнына жаңа пластикалық терезелер қойылды. Сондай-ақ ғимараттың ішкі жылу жүйесін де ауыстыру көзделіп отыр, – дейді аудан әкімдігінен.
Аталған жұмыстарды мердігер жеке кәсіпкер Медет Байәділов жүргізуде.
