Көкшетауда №10 мектептің 18 оқушысына смартфон берілді. Қайырымдылық шараны Ақмола облысы бас имамы Қуаныш қажы Жұмабайұлы ұйымдастырды,-деп хабарлайды «Aqmola News».
Мешіт қызметкерлері атсалысқан бастама «Мектепке жол» акциясы аясында өткізілді. Смартфонға қол жеткізген балалардың басым көпшілігі оқу жылын қашықтықтан оқуды бастаған аз қамтылған және көпбалалы отбасылардың балалары.
Бұл балалар үшін қуанышты жаңалық болды.
«Мектеп ұжымы мен ата- аналар атынан Қуаныш қажы ағамызға алғыс білдіреді. Мейірім мен нұрға толы жүректегі сәулелеріңіз өшпесін.Болашақтың қамы үшін жасаған ниеттеріңіз қабыл болсын»-делінген хабарламада.