Мәнерлеп сырғанаудан Денис Тен мемориалы коронавирус індетіне байланысты өткізілмейді. Бұл туралы Халықаралық конькимен жүгірушілер одағының (ISU) ресми сайтында жарияланған, деп хабарлайды Olympic.kz.
«ISU Challenger санатындағы жарыс 2020 жылдың 29 қазаны мен 1 қарашасы аралығында Алматы қаласында өту тиіс болатын», – деп жазылған ақпаратта.
Айта кетелік, Денис Тен мемориалы алғаш рет 2019 жылы өткізілді. Халықаралық турнирде ресейліктер Дарья Усачева мен Даниил Самсонов топ жарған еді.
Жарыс 29 қазан мен 1 қараша аралығында өтуі керек еді.