Зеренді ауданының Қонысбай ауылдық округындағы Қонысбай ауылында «Жұмыспен қамту жол картасы – 2020» мемлекеттік бағдарламасы аясында су құбырлары желілері жаңартылуда, – деп хабарлайды «Aqmola News».
Майра ҚУАНЫШҚЫЗЫ
Бағдарлама шеңберінде бүгінде 757 метр су құбыры тартылған. Сондай-ақ, бетон сақиналар мен қақпақтар, бекіту арматуралары ауыстырылған.
Мемлекеттік бағдарламаның көмегімен су құбырының 17 құдығы жөндеуден өтті. Жөндеу кезінде көшелерді судан ажырату үшін 3 шойын ысырмалар орнатылды. Өрт қауіпсіздігін қамтамасыз ету мақсатында өрт сөндіру гидрантын да қалпына келтірдік, – деді аудан әкімі Бауыржан Ғайса.
Жүргізілген жұмыстар нәтижесінде Қонысбай ауылындағы 179 үйдің жартысы орталықтандырылған су құбырына қосылған.
