Ақмола облысы Зеренді ауданы Ивановка бөгеті маңында көктемгі су тасқынына дайындық шаралары күшейтілуде,-деп хабарлайды Aqmola News ақпарат агенттігі.
Бөгеттің су тасқыны күшіне дайындығын аудан әкiмi Бауыржан Ғайса бақылап көрді. Қазiргi уақытта транзиттiк режимге көшiрiлген бөгет аумағындағы жұмыстар қызған. Су тасқыны кезеңiне «АсНо Көкше» ЖШС және «КЕМЕД»ЖШС шаруашылық субъектiлерi техникалары экскаватор, К-700 және МТЗ тракторлары кезекшiлiкті қамтамасыз етеді.
Бөгет Ивановка ауылының шетінде, Кылшық өзенінің аузында орналасқан. Өзендегі судың ағысы бөгет арқылы жүзеге асырылады. Кенесары, Бурабай өзенінің басы және Ақкөл кен орнының солтүстігінде орналасқан. Суды толтыру көктемгі су тасқыны кезінде жүреді. Бөгет 1978 жылы пайдалануға берілді.
