Ауа райының бұзылуына байланысты екі облыста ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
3 желтоқсанда Ақмола облысының кей жерлерінде тұман түсіп, бұрқасын, көктайғақ болады. Оңтүстік-батыстан және батыстан соққан желдің екпіні кей жерлерде 15-20 м/с жетеді. Осы күні Көкшетау қаласында тұман түседі. 3 желтоқсан Ақтөбе облысының кей жерлерінде тұман түсіп, көктайғақ сақталады.
