Биылғы медициналық ұйымдарға тіркеу науқанында Ақмола облысы бойынша 787 988 адам тіркелді, 3 мыңнан астам тұрғын жеке клиникаға тіркелді,-деп хабарлайды «Aqmola News».
Бұл туралы «Әлеуметтік медициналық сақтандыру қорын» коммерциялық акционерлік қоғамы Ақмола п облыстық филиалының директоры Әлия Жүсіпова айтты
15 қыркүйек пен 15 қараша аралығында Көкшетау қаласында 3654 адам емханаға тіркелсе, оның 3232-і – жеке клиника «Оңалту-Авиценна» медициналық мекемесін таңдағаны белгілі болды.
«Биылғы науқанға алғаш рет Көкшетау қаласындағы «Оңалту-Авиценна» медициналық мекемесі қатысты. Жалпы, келер жылы Ақмола облысы бойынша 25 медициналық ұйым бастапқы медициналық-санитарлық көмек көрсететін болады. Биыл бұл көрсеткіш 24 медицина ұйымын құрап отыр», – дейді Әлеуметтік медициналық сақтандыру қоры Ақмола облыстық филиалының директоры Әлия Жүсіпова.
Айта кету керек, науқан кезінде бастапқы медициналық – санитарлық көмек алу үшін медициналық ұйымдарға тіркелген азаматтар 2021 жылдың 1-ші қаңтарынан бастап, көмек ала бастайды. Әзірге, жыл соңына дейін бұрын тіркелген орындары бойынша қызмет көрсетіледі.
«Біздің емхана үшін бұл – жаңа тәжірибе. Әзірге бізде екі бөлімше бар. Онда науқастарға кепілдендірілген көлем және міндетті әлеуметтік медициналық сақтандыру шеңберінде медициналық көмек көрсетіледі. Келешекте терапевтік бөлімшелердің санын арттыру жоспарда бар», – дейді «Оңалту-Авиценна» медицина мекемесі оңалту орталығының меңгерушісі Әлихан Евлоев.
