Ақмолалық құтқарушылар «25 игі іс» республикалық акциясы шеңберінде қарттар мен мүгедектерге барып, қал-жағдайларын білді. Көкшетаудағы «Үміт Шаңырақ» қарттар мен мүгедектер үйінің сыртқы шаруашылық жұмыстарына көмектесті,-деп хабарлайды «Aqmola News» облыстық ТЖД-сына сілтеме жасап.
«Төетенше жағдайлар министрлігінің 25 жылдығына орай, «25 игі іс» республикалық акциясы шеңберінде ақмолалық құтқарушылар Нұр-Сұлтан қаласының ТЖД-нан игілік эстафетасын қабылдап алды. Акция барысында құтқарушылар Көкшетаудағы «Үміт Шаңырақ» қарттар мен мүгедектер үйін паналап отырған жандарға көмек көрсетті», – деді Көкшетау қалалық №2 Құтқару-өрт сөндіру бөлімшесінің бастығы Жандос Жармұханбетов.
Өз кезегінде ақмолалық құтқарушылар эстафетаны әріптестері Солтүстік Қазақстан облысының ТЖД-сына тапсырып, акциясы одан әрі жалғастыруға шақырды.
