Көкшетау қаласының тұрғындары жылуға шаш-етектен қарызға батқан. Ақмола облысы жеке сот орындаушылары борышкерлерден 22 миллион теңгеден астам қаражатты өндіріп алды, – деп хабарлайды «Aqmola News».
Жалпы , жыл басында көкшетаулықтардың «Көкшетау Жылу» коммуналдық мекемесіне қарыз сомасы 70 миллион теңгеге жетіп жығылған. Дегенмен, сот орындаушыларының тиісті жұмыстарының нәтижесінде қарыз сомасы айтарлықтай қысқарыпты.
Қазіргі таңда сот орындаушылары 22 309 270 теңге сомасындағы 1164 атқару құжатын орындады. Дегенмен, жылу үшін қарызын қайтармаған қала тұрғындары әлі де болса көп. Қазіргі уақытта 44 миллион теңгеден астам қарызды құрайтын 1029 құжат бойынша өндіру жұмысы жалғасуда, – дейді Ақмола облысы жеке сот орындаушылары өңірлік палатасының төрайымы Жанар Әбілқасымова.
