Ақмолалық полиция қызметкерлері «Қауіпсіз жол» профилактикалық шаралары шеңберінде жол-көлік оқиғаларының өсуіне ықпал ететін жол қозғалысы ережелерінің дөрекі бұзылуын анықтау және алдын алу мақсатында рейд шараларын ұйымдастыруда, – деп хабарлайды Ақмола облысының полиция департаментінің баспасөз қызметіне сілтеме жасап, Aqmola news ақпарат агенттігі
Полиция қызметкерлері мас күйінде көлікке отырып жол қиылысы мен жаяулар өткелінде ережені өрескел бұзған жүргізушілерді анықтауға ерекше назар аударды.
Полиция қызметкерлерімен бір тәулік ішінде 638 жол ережесін бұзу фактілері анықталғанын атап өткен жөн. Атап айтқанда 5 жүргізуші көлігін тиісті рұқсатсыз көлікті қайта жабдықтаса, 43 адам көлік айдап келе жатып ұялы телефон қолданған, 21 адам бұрылу ережесін бұзғаны, 32 көлік иелері жылдамдықты шамадан тыс асырғаны, 17 көлік айдаушы қауіпсіздік белдігін тақпағаны, 73 жүргізушінің жаяу жүргіншілер өткелінен жаяуларды өткізбегені, 3 адам көлікті жүргізу құқығынсыз және 9 адам мас күйінде көлікке отырғаны белгілі болды.
