Аудандық мәслихаттың кезекті сессиясында Егіндікөл ауданының әкімі Ерлан Исабеков өңірдің 2020 жылдың 1-жартыжылдығындағы әлеуметтік-экономикалық даму қорытындылары туралы баяндады, деп хабарлайды Aqmola News
-50 жылдық мерейтой аясында аудандық, облыстық бюджеттер және ЖҚЖК-2020 бағдарламасы есебінен ауданда шамамен 1 млрд. теңге сомасына 50 – ден астам жоба іске асырылуда, бұл өткен жылдармен салыстырғанда 4-5 есе көп (2018 ж. – 184,8 млн.теңге, 2019 ж. – 240 млн. теңге).
Осы орайда, білім беру, денсаулық сақтау, тұрғын үй-коммуналдық шаруашылық, мәдениет және спорт нысандарына, сондай-ақ жол жабындары мен тротуарларға жөндеу жұмыстары жүргізілуде.
Сонымен қатар, сумен қамтамасыз ету, жол сапасы, елді мекендердің аумақтарын абаттандыру мәселелерін шешу жөніндегі шаралар туралы есеп бердім, – деді аудан әкімі өзінің инстаграм парақшасында.
