Сандықтау ауданында «Ауыл – ел бесігі» мемлекеттік бағдарламасы аясында ауыл арасындағы жолдар жөнделе бастады, – деп хабарлайды «Aqmola News».
Майра ҚУАНЫШҚЫЗЫ
Шаңы шыққан ауыл арасындағы жолдарға тақтайдай тегіс асфальтты бетон төселуде. Бүгінде 12 шақырымнан астам жолға асфальт жабыны төселді. Жалпы бағдарлама шеңберінде ауыл жолдарын жөндеуге 214 миллион теңге бөлінген.
Бүгін аудан әкімі Балкашино селосындағы жолдардың жөндеу жұмыстарының барысын аралап көрді. Мердігер компанияға жолдың сапасына мән беріп, уақытында орындалуы қажеттігін ескертті.
Жол жөндеу бойынша барлық жұмыстар 10 қыркүйекке дейін аяқталуы тиіс. Қазіргі уақытта мердігер ұйымдар жөндеу жұмыстарын белсенді жүргізуде. Күздің басына дейін жоспарға сай аяқтамақпыз, – дейді аудан әкімі Асқарбек Үйсімбаев.
