Мұражай қазақтың айтыс өнеріне сүбелі үлес қосып, «Көкшенің көк нөсері» атанған тұлғаның мұраларын жинақтап, жас ұрпаққа насихаттау мақсатында іске қосылды. Келушілерге есігін айқара ашқан өнер ордасының қолданысқа енуіне Ақмола облысы мәдениет, архивтер мен құжаттамалар басқармасы мен Мәлік Ғабдуллин музейі қолдау көрсетті.
Мұражайдың салтанатты ашылуына Көкшетау қаласының құрметті азаматтары мен зиялы қауым өкілдері және ақынның туған туыстары , Көкен Шәкеев атындағы ақындар мектебінің шәкірттері қатысты.
