Ақмола облысы әкімінің өкімімен Кәсіпкерлік және өнеркәсіп басқармасының басшысы болып Ахмедьянов Асхат Мұратбекұлы тағайындалды.
Асхат Ахмедьянов Солтүстік Қазақстан облысында дүниеге келген. «Тұран-Астана» университетін тәмамдаған.
Еңбек жолын 2014 жылы Новоалександров ауылдық округі әкімінің аппаратында және Атбасар ауданы Бастау ауылдық округі әкімінің аппаратында бас маман болып бастаған. 2017–2019 жылдары Атбасар ауданы Покров ауылдық округінің әкімі қызметін атқарды.
2019–2021 жылдары Атбасар ауданының кәсіпкерлік бөлімін басқарды (Атбасар қаласы). 2021–2023 жылдары Атбасар ауданы Макеев ауылдық округінің әкімі болды.
Тағайындалғанға дейін Зеренді ауданы әкімінің орынбасары қызметін атқарған.
