Астана қаласында Қазақстанның алғы қатарындағы Astana Stars халықаралық конкурстық ұйымдастыру комитетінің ұйымдастыруымен VI Халықаралық әртүрлі жанрлық «ITALIAN GRAND FESTIVAL» атты конкурс-фестивалі өтті.
Оның мақсаты – дарынды жастардың шығармашылық әлеуетін іске асыру жолындағы қолдау.
Фестивальге шығармашылық ұжымдар мен солистер қатысты.
«Вокалдық өнер» номинациясында Еңлік Жақыпованың басшылығымен «Достар» мәдениет сарайының жанындағы «Балақай» үлгілі вокалдық студиясының солистері табысты өнер көрсетті.
Көркем Абаева, Ақбота Кешуова, Асылжан Ғабит, Санжар Сираж, Амина Мейрам, Медина Шаймерден, Злата Федоренко жоғары шеберліктерін көрсетіп, өздерінің қатарластар тобында бірінші орынды иеленді. Кәсіби қазылар алқасы әр солистің өнерін бірінші дәрежелі дипломмен және медальмен атап өтті.
Қатысушыларымызды жеңістерімен құттықтаймыз! Оларға толағай шығармашылық табыстар тілейміз !!!
