Астанада кәсіпкерлерге жыл сайынғы Президенттің «Алтын сапа» сыйлығын тапсыру рәсімі өтті.
Сапа сыйлығы 4 номинация бойынша берілді: «Өндірістік мақсаттағы үздік кәсіпорын», «Халыққа өнім шығаратын үздік кәсіпорын», «Қызмет көрсететін үздік кәсіпорын», «Азық-түлік және/немесе ауыл шаруашылығы өнімдерін өндіретін үздік кәсіпорын».
Биылғы жылы «Алтын сапа» сыйлығына 221 кәсіпорын өтінімдер берді. Нәтижесінде бар болғаны 14 лауреат іріктеліп, дипломдар, байқау эмблемалары мен ақшалай сыйлықтарға ие болды. Бұл оларды болашақта өнімдер мен қызметтердің сапасы үшін ТМД елдерінің байқауына қатысуға ынталандырады.
«Азық-түлік және/немесе ауыл шаруашылығы өнімдерін өндіретін үздік кәсіпорын» аталымы бойынша Ақмола облысы Қосшы қаласынан «Алтын-Қазық» компаниясы» ЖШС беделді сыйлықтың жеңімпаз болып танылды.
2006 жылы құрылған кәсіпорын ірі қара мал, жылқы және қой етін өндіріп, өңдейді. Бастапқыда сол кезеңге 2000 басқа дейін ұсақ мал, 500 ірі қара және 200-ге дейін жылқы ұстауға мүмкіндік беретін алаң құрылды. 2018 жылы компания автоматтандырылған мал сою және ет өңдеу кешені үшін барлық үй-жайларды толық қайта құруды бастады, қолданыстағы мал сою алаңы күрделі жөндеуден өтті.
Бүгінгі таңда кәсіпорынның өндірістік қуаты жылына 36 мың тонна өнімге жетеді, тәуліктік өнімділігі 100 тоннаға жуықтады. «Алтын-Қазық компаниясы» ЖШС-нің барлық өнімдері Халал стандарттарының талаптарына сәйкестікке сертификатталған, барлық өнімдер, олардың сақталуы міндетті, Халал сәйкестік белгісімен таңбаланған.
2022 жылы компания алғашқылардың бірі болып Сауд Арабиясына қой және сиыр етін экспорттау құқығы бар кәсіпорындар тізіліміне енді.
«Мен үшін және біздің бүкіл ұжым үшін осындай мәртебелі марапатқа ие болу – үлкен құрмет. Біз бұған дейін өте ұзақ және қиын жолдан өттік. Өткен жылы біз де өтініш бердік, бірақ ол нәтиже бермеді, бірақ бұл бізді тоқтатпады. Керісінше, жеңіске жету жолында жинақылық пен байсалдылыққа қосымша мотивация болды. Бұл жылдың елеулі, лайықты аяқталуы. Мұндай жоғары деңгейде танылу бізді шабыттандырады және жаңа жеңістерге ұмтылуға мәжбүр етеді. Бұл одан әрі ілгерілеу мен дамудың жаңа кезеңі», – деп атап өтті «Алтын-Қазық компаниясы» ЖШС бас директоры Айдар Нығметов.
Айта кету керек, Президенттің «Алтын сапа» сыйлығына өтінімдерді «Қазақстанның үздік тауары» өңірлік байқауының жеңімпаздары атанған тағы екі ақмолалық кәсіпорын – «Азия Фильтр» ЖШС (Бурабай ауданы) және «SG BRICK» ЖШС (Аршалы ауданы) берген.
Фильтрлеу саласының көшбасшысы «Азия Фильтер» ЖШС бүгінде Қазақстанның барлық ірі кәсіпорындарын өз өндірісінің сүзгілерімен қамтамасыз етеді.
«SG BRICK» ЖШС бүгінде Орталық Азия елдеріндегі дайын өнім шығару көлемі жылына 120 миллион данаға жететін жалғыз зауыт болып табылады. Өндірісте салқындатқыш ретінде табиғи газ пайдаланылады, жылдық қажеттілік 18 миллион текше метрді құрайды.
«Бүгінгі жеңіс ақмолалық өндірушілердің әлеуетін тағы бір мәрте паш етті. Жылдан-жылға біздің компаниялар түрлі байқауларға қатысып, өздерінің бәсекеге қабілеттілігін дәлелдеп келеді. «Алтын-Қазық» компаниясы» ЖШ-не Президенттің «Алтын сапа» сыйлығы табыс етілуі енді оған бұдан да зор перспективалар беріп отыр. Басты артықшылықтардың бірі – отандық өнімді республикадан тыс жерлерге ілгерілету, өндірістің сапалы жаңа деңгейіне өту», – дейді Ақмола облысы кәсіпкерлер палатасының директоры Ерқанат Мұсылманбек.
Ақмола облысы кәсіпкерлер палатасының баспасөз қызметі
