Екі күн бойы патрульдік полиция батальонының қызметкерлері көктайғақ кезінде ЖКО алдын алу үшін жолда тұруға мәжбүр болды.
Ағымдағы жылдың 18 қарашасында сағат 03.00-де патрульдеу барысында Ақмола облысы ПД ППБ қызметінің инспекторлары құрамындағы «Тұлпар-2» экипажының қызметкерлері полицияның аға лейтенанты Тәжібаев Арман Атанбайұлы мен полиция лейтенанты Байгарин Асылбек Мұратбекұлы «Екатеринбург-Алматы» а/ж 983 км-де жол бойының қауіпті бұрылысында авариялық жарығы қосылған «ГАЗель» маркалы а/к кездестірді.
Полицейлер дереу тоқтап, көліктің дөңгелегі жоқ екенін көрді. Жүргізуші өзімен бірге 3 тонна жүк алып, Ақтөбе қаласынан Астанаға бара жатқанын түсіндірді. Белгілі болғандай, апаттың себебі доңғалақтағы подшипниктерінің шашылуы болды. Бұзылу нәтижесінде машинаны бір жаққа жылжыту мүмкін болмады. Екі күнге жуық сынған «ГАЗель» Республикалық маңызы бар автожолдың жүріс бөлігінде тұруға мәжбүр болды және осы уақыт ішінде патрульдік полиция батальонының қызметкерлері сол кезде автомобиль жолында көктайғақ болғанын ескере отырып, қалған көліктерге қауіпсіз жол қозғалысын қамтамасыз ету үшін жақын жерде болды.
Тек екінші күні Ақтөбе қаласынан автокөлік бөлшектері жіберіліп, бұзылу қауіпсіз түрде жойылды, содан кейін межелі жерге дейін тыныш жүру қамтамасыз етілді.
Өз кезегінде ақтөбеліктер полицейлерге қызметте табыс және жеке өмірінде амандық тілеп, қалыптасқан жағдайға қолдау көрсеткені үшін шын жүректен алғыстарын білдірді.
«Аязды ауа-райында мұндай оқиғалар жүргізушілер үшін ауыр сынаққа айналуда», – деп атап өтті ПД ППБ командирінің орынбасары полиция майоры Қанат Біләлов – жақындап келе жатқан суықты ескере отырып, барлық жүргізушілерді сапарларға мұқият дайындалуға шақырамыз. Көлік құралының жақсы күйде екеніне көз жеткізіңіз. Жылы заттарды, сүйретуге арналған жабдықты өзіңізбен бірге алып жүруді ұмытпаңыз. Жолда абай болыңыз, полиция мен құтқарушылардың ескертулерін тыңдаңыз».
